کتاب فه‌لسه‌فه‌ی هونه‌ر

تیگەیشتن لە واتای هونەر پیویستی بە دەرخستنی «چییەتی»ی هونەر هەیە. بۆ دەرخستنی چییەتییەکە دەبیت ئەو خەسڵەتە بنەڕەتییە دیاری بکەین کە بەرهەمیک دەکات بە هونەری و یەکیکی دی بە نا-هونەری. هەڵبەتە چالاکیی هونەری لە میژوودا پیش چالاکیی بیر‌کردنەوەی فەلسەفییانە و تەنانەت بیر‌کردنەوە لە هونەریش دەکەویت. وەکو دەزانین، مرۆڤ، پیش دامەزراندنی شارستانییەت و سەرهەڵدانی بیر‌کردنەوەی فەلسەفییانە، لە سەر دیواری ئەشکەوتەکان وینەی ئاژەڵی کیشاوە، بەڵام نەیتوانیوە لە واتای ئەو چالاکییە تیبگات و ڕاڤەی بۆ بکات. لەگەڵ پەیدابوونی بیر‌کردنەوەی فەلسەفیدا، بە تایبەتی لە سەردەمی ئەفلاتونەوە، واتای ئەو چالاکییەی بە هونەر دادەنریت، بووە بە بابەتی تویژینەوە.