کتاب نیچه وپاش‌تازه‌گه‌ری

ئەم نووسراوە هەوڵ‌دانیکە ‌بۆ تیگەیشتن لە فەلسەفەی نیچە‌. لە ‌سەرەتاوە ‌مامەڵە لەگەڵ وەڵامی ئەم پرسیارە ‌دەکات «‌بۆچی پیویستە ‌لە ‌نیچە تی بگەین؟» ئەمەش هاوکات، ئەو جیگەیە ‌دیاری دەکات کە ‌بیرکردنەوەی فەلسەفیی نیچە ‌لە ‌سەردەمەکەماندا و لەم قۆناخەی گەشەکردنی شارستانییەت و میژووی بیردا داگیر‌ی کردووە. لە ‌میژووی فەلسەفەدا، هەریەکیک لە ‌فەیلەسووفەکان ڕۆڵی خۆیان لە ‌گەشەکردنی بیرکردنەوەی فەلسەفیدا ‌بینیوه؛ بەڵام چەند فەیلەسووفیک ‌توانیویانە سەرەتایەکی نوی و نەریتیکی میتافیزیکیی جیاوازتر بخەنە گەڕ. من لیرەدا لەگەڵ شی‌کردنەوەی بیروباوەڕی نیچە‌، ئاماژەم بۆ ڕۆڵی سەرەکیی نیچە کردووە، ئەو خاڵەم ڕوون کردووەتەوە کە ‌ئەم بیریارە چۆن سەرەتایەکی نوی و نەریتیکی میتافیزیکیی بۆ دامەزراندووین کە بە پاش‌تازەگەری ناوزەد کراوە.