کتاب گه‌شتیک له کوردستانا

لە میژ بوو ئەمویست گەشتیکی دوور و دریژی ئەو شوینانەی کوردەواری بکەم کە نەمدیبوون، ئەمەش بەو نیازە یادداشتیک ئەگەر دەستم بکەوی وەیا بەرچاوم کەوی بۆ یادگاریکی پاشەڕۆژی تاریخی هەڵیگرم، بۆ ئەوە هەم خۆم و هەم کەسانی تر کەڵکیکی لی وەرگرن. لە 1955دا ئەو ئامانجەم هاتە دی، چاوم بە بینینی ئەو شوینانە و شوینی تریش ڕۆشن بووەوە.

لەم گەڕانەما چیم بەر چاو کەوتووە یا کیم دیوە، هەمووییم هۆنییەوە؛ ئیتر چاوم لەوە نەبوو کە ئەمە بە هۆی ناوهینانی کەسیکەوە یا ناوبردنی شوینیکەوە گەشتەکە نرخیکی ئەبی یا نابی. لەم گەشتەدا ناوی هەر کەس هینراوە، لەقەب (نتیکە)ی پاریزراوە.